எமது தமிழ் பாடசாலையின் வளர்ச்சிப் பயணம் பெருமையும் மகிழ்ச்சியும் நிறைந்த ஓர் அழகிய சாதனைப் பயணம்!

2024 ஆம் ஆண்டு, 16 மாணவர்களுடனும் அர்ப்பணிப்புமிக்க ஆசிரியர்களுடனும் எளிமையாகத் தொடங்கிய எமது அறிவாலயம் தமிழ் பாடசாலை, இன்று 60-க்கும் மேற்பட்ட மாணவர்களுடன் வளர்ந்து, தமிழ்மொழியையும் கலைகளையும் போற்றிப் பாதுகாத்து, எமது பாரம்பரியம், பண்பாடு மற்றும் உயர் விழுமியங்களை அடுத்த தலைமுறையினருக்குக் கொண்டு செல்லும் பாடசாலையாகத் திகழ்கின்றது.

இது மாணவர்களின் எண்ணிக்கை வளர்ச்சி மட்டுமல்ல; தமிழ்மொழியின் மீதான பற்றும் கலைகளின் மீதான ஆர்வமும் எமது பண்பாட்டு அடையாளங்களைப் பாதுகாக்க வேண்டும் என்ற உறுதியும் ஒன்றிணைந்து உருவாக்கிய மகத்தான வளர்ச்சியாகும்.

இந்த அழகிய பயணத்தின் ஒவ்வொரு அடியிலும் அர்ப்பணிப்புடன் உழைக்கும் எமது ஆசிரியர்களின் அயராத முயற்சியும், ஆர்வத்துடன் கற்கும் மாணவர்களின் ஈடுபாடும், உறுதுணையாக நிற்கும் பெற்றோரின் ஒத்துழைப்பும், அன்போடு ஆதரவு வழங்கும் நலன் விரும்பிகளின் பங்களிப்பும் அளப்பரியவை. அனைவரினதும் அர்ப்பணிப்பும் ஒற்றுமையும் ஒத்துழைப்பும் இணைந்ததாலேயே இன்று எமது பாடசாலை நம்பிக்கையுடன் வளர்ச்சிப் பாதையில் முன்னேறி வருகின்றது.

ஒரு சிறிய விதையாகத் தொடங்கிய எமது பாடசாலை, இன்று பல கனவுகளையும் நம்பிக்கைகளையும் தாங்கி நிற்கும் விருட்சமாக வளர்ந்துள்ளது.

இந்த வளர்ச்சி எமக்குப் பெருமையையும் மகிழ்ச்சியையும் அளிப்பதோடு மட்டுமல்லாமல், எதிர்காலத்தில் இன்னும் பல சாதனைகளைப் படைக்க வேண்டும் என்ற உத்வேகத்தையும் தருகின்றது.

தமிழ்மொழி வாழ வேண்டும்!

தமிழ்க்கலைகள் தழைத்தோங்க வேண்டும்!

எமது பண்பாடும் பாரம்பரியமும் அடுத்த தலைமுறையினரால் பெருமையுடன் பேணிப் பாதுகாக்கப்பட வேண்டும்!

என்ற உயரிய இலட்சியத்துடன், எமது அறிவாலயம் தமிழ் பாடசாலை, இன்னும் பல மாணவர்களின் வாழ்வில் அறிவொளி ஏற்றி, தமிழ்மொழியின் பெருமையையும் எமது பண்பாட்டு மரபின் சிறப்பையும் உலகறியச் செய்யும் அறிவாலயமாகத் தொடர்ந்து வளரட்டும்!

இந்த வளர்ச்சிப் பயணத்தில் பங்களித்த ஒவ்வொருவருக்கும் எமது இதயபூர்வமான நன்றிகளும் வாழ்த்துகளும்!